يوميات أبو لمعه فى الأسكيمو.....

دة حوار بين أبو لمعه والخواجة بيجو

بسم الله الرحمن الرحيم.........
خلينا نبتدى الحوار .........وأمسك نفسك من الأمراض الأتى ذكر أسمائها:.
البلهارسيا
هشاشة العظام
ضيق فى الأفق وسطحية فى التفكير

أحنا هنبتدى شغل أبو لمعة كدة من أولها!!!!!!!!

ماعلينا
خلينا نشوف الحوار



أبو لمعه: شوف يا خواجة وأنا فى أخر رحلة ليا فى الأسكيمو كنت لابس الجلابية الدبلان المخططة بتاعه أخويا شلبى ...... روحت قولت ياود قيلك تحت شجرة الجيلاتى! بينى وبينك أنا نمت وأنا فاتح بقى علشان أول ما حتة الجيلاتى تستوى تقع على بقى على طول ..........بس لجل البخت الأسود تعبان شاف بقى مفتوح أفتكره جحر فراح دخل فية .....(بيلقط رزقه)


خواجة بيجو: دة أكيد تعبان صغير بقى اللى عرف يدخل بقك كدة!!!


أبو لمعه : صغير مين يا خواجة........دة طوله 700 متر !!!


الخواجة: يا سلام دخل التعبان اللى طوله 700 متر فى بقك كدة من غير ما تحس ولا تصحى؟؟!!


أبو لمعه: لأ........ما هو أنا صحيت فى نصه كدة...لقيت دة داخل فى بطنى قعدت أشد فية وهو يتزفلط أشد فيه ويتزفلط.......... لحد ما دخل جوه بطنى

الخواجة : يا خبر أبيض .....وعرفت تطلعه؟؟؟؟


أبو لمعه: أبدا وحياتك عندى......... عملت البدع عشان أطلعه مافيش فايدة أخر ما غلبت روحت قالع ونازله


الخواجة: نازله .........نازله فين؟؟؟


أبو لمعه: فى بطنى.. وهو شافنى نازل ......راح أخد ديله فى سنانه وطالع يجرى وأنا وراه يدخل يمين وراه شمال وراه لحد ما وصل بيت الكلاوى راح دخل وقفل الباب على نفسه



الخواجة: طبعا معرفتش تدخل وراه روحت مروح.

أبو لمعه : لأ ...أروح أزاى أنت عارف أن تحت بيت الكلاوى فاتح واحد حلاق ...قولت أخش أخد دقنى وأستناه لحد ما يطلع ......نص ساعة كدة لقيته مطلع راسه من الباب بص يمين بص شمال ما شفنيش روحت متسحب وخارج ...روحت خاطف الموس من أيد الحلاق وهاجم عليه ....بص يا خواجة هى ضربة واحدة بالموس قسمتة نصين


الخواجة: بضربة واحدة قسمت التعبان اللى طوله 700 متر نصين !!


أبو لمعه: بالطول وحياتك
[b][center]